أنا زيك و زينا كلنا!

لقيت نفسي ماشي في مسارات و نظم ماكانش ليا اختيار أوي فيها. ومع مرور الوقت، إحساسي بعدم الانتماء وعدم التوافق بدأ يكبر… مش بس مع العالم اللي حواليا، لكن كمان مع علاقتي الأساسية بنفسي. الإحساس ده، رغم إنه كان مقلق، كان هو الدافع اللي خلاني أطلع بره دايرة الراحة اللي اتبنت حواليا عشان أحس بالأمان.

أكبر مُعلّم ليا في الرحلة دي كانت الحياة. عشان أقدر فعلاً أتعلم وألاقي طريقي، كان لازم أسمع اللي للصوت الجويا… مش اللي متوقع مني، ولا اللي جاي من خوف أو إحساس بالذنب. إرشادي كان جاي من تجاربي، ومن إيماني إن الحياة فيها أكتر بكتير من اللي اتعلمناه.

مع الوقت، بدأت أراجع وأتحرر من الإتفرض عليا، وأتجه إلى حدسي و احساسي الداخلي. اتعلمت إزاي أقعد مع إحساسي بعدم الراحة من غير ما أحتاج أصلّحه، وإزاي أعرف أسمع للصوت الجويا تحت كل الضوضاء الحوالينا. اللي كان زمان حيرة، بدأ يتحول تدريجيًا لوضوح… مش لأني لقيت كل الإجابات، لكن لأني اتعلمت أثق في نفسي و فالإجابات الجويا.

اتعلمت كمان إن التغيير بييجي خطوة خطوة، وغالبًا بيبقى مش مرتب أو واضح، لكنه بيبدأ من اختيارات صغيرة بنعملها كل يوم. أنا باختار أكون حاضر في عملية التغيير ليك و لينا جميعاً، وأوفر مساحة نقدر نقابل فيها بعض بصدق، ونلمس اللي حاضر جوانا في اللحظة دي.

أنا مؤمن بالطاقة والتوقيت. لو الكلام ده لمس فيك حاجة، تعالى نتواصل، ونكتشف مع بعض الخطوة الجاية. ولو مش ده وقتنا، نثق إن طاقتنا هتتلاقه في الوقت المناسب لما نكون إحنا الاتنين جاهزين 🤍